اشتغل مع سند

أكلك الحلو يوصل لناس محتاجاه

في القاهرة آباء وأمهات كبار ولادهم مسافرين، ونفسهم في أكل بيت زي أكلهم. لو بتطبخي، أو عندك موتوسيكل وعارف شوارعك، مكانك معانا.

شاشة الطلبات عند المطبخ في سند
طلبات المطبخ في تطبيق سند

لمطابخ البيوت

بتطبخي من بيتك، بمواعيدك، وبالأكل اللي بتعرفي تعمليه.

  • انتي اللي بتحطي سعر وجبتك، وسند بيضيف نسبته فوقه للعميل، فحقك بيوصلك كامل
  • بتطبخي مرة واحدة لكام يوم، مش كل يوم من الصبح
  • الطلبات بتوصلك على التطبيق بالتفاصيل والملاحظات الصحية لكل عميل
  • التطبيق بيطبعلك ملصقات العلب جاهزة: اسم الأكلة والتاريخ وطريقة التسخين
  • المندوب بييجي ياخد الأكل من عندك، مش محتاجة تنزلي
  • فلوسك بتتحسب على التطبيق وبتتحول لك كل أسبوع

نبدأ إزاي؟

من غير ورق كتير ولا مصاريف.

١

سجّلي من التطبيق

برقم موبايلك، واكتبي اسم مطبخك ومنطقتك.

٢

نزورك

بنيجي نتعرف عليكي ونشوف المطبخ ونتكلم في المنيو والأسعار.

٣

حطي المنيو

كل وجبة بصورتها ومكوناتها وسعرها، وتقدري توقفي أي وجبة وقت ما تحبي.

٤

استقبلي الطلبات

جديد، بيتطبخ، جاهز. وبس كده، المندوب بيكمل الباقي.

سجّلي مطبخك

شاشة الطلبات الجاهزة عند المندوب في سند

لمناديب التوصيل

مشاوير قريبة في المناطق اللي انت عارفها، وأجرة ثابتة على كل توصيلة.

  • بتختار المناطق اللي بتغطيها، والطلبات الجاهزة فيها بتظهرلك
  • بتاخد الطلب من المطبخ وتوصّله، والعنوان والخريطة على التطبيق
  • أجرة ثابتة معروفة على كل توصيلة قبل ما تقبلها
  • حسابك قدامك على التطبيق، وبيتحول لك كل أسبوع
  • الشغل مع كبار سن، فالأدب والصبر عندنا أهم من السرعة

سجّل كمندوب

أسئلة المطابخ والمناديب

وأي حاجة تانية، كلمنا.

لازم يكون عندي سجل تجاري؟

لأ، إحنا بنشتغل مع مطابخ البيوت. اللي يهمنا النضافة وطعم الأكل والالتزام بالمواعيد.

مين بيحدد سعر الوجبة؟

انتي اللي بتحطي سعرك. كل نوع أكل ليه نطاق سعر عشان العميل يبقى مطمن، ولو سعرك برّه النطاق بنراجعه معاكي.

لو حد طلب أكل مش في المنيو؟

العميل يقدر يبعت طلب خاص، وانتي تبعتيله عرض سعر من التطبيق، ولو وافق يبقى طلب عادي.

الفلوس بتوصل إمتى؟

كل أسبوع بنحوّل حسابك، وتقدر تشوف كل طلب ومبلغه على التطبيق.

أنا مندوب، لازم يكون معايا موتوسيكل؟

أي وسيلة توصّل الأكل في وقته وسليم تنفع. الأهم إنك تعرف المنطقة كويس.